पालकत्व आणि होमिओपॅथी / Parenting and Homoeopathy

पालकत्व आणि होमिओपॅथी

परवा परवापर्यंत गोंडसपणे आपल्या मागे मागे करणारा लाडका मुलगा हल्ली खुन्नस का देतो ?

आज आपल्यालाही हात उचलला गेला. वागायचं तरी कसं याच्याशी ?

वयात येणाऱ्या मुलांचं वागणं असंच असतं का ? ती वैतागलीच.

अखेरीस तिने ‘चैतन्य होमिओपॅथिक क्लिनिक’मध्ये तिच्या फॅमिली डॉक्टरना फोन लावला आणि त्यांनी दुसऱ्या दिवशी भेटण्याची वेळ ठरवून दिली. 

ती म्हणाली, “डॉक्टर, हल्ली हर्षशी कस वागायचं कसं हेच कळेनाच झालं आहे नक्की. इतका गोड मुलगा अचानक उद्धटपणे खुन्नस का देतोय ?

अभ्यासाचा आळस, शिस्त नाही , त्यात आता तर सुट्टीच. त्याच्या बाबाशी जरा बरा वागतो. पण आईशी वैर का ? काय करू मी ?

कालच्या भांडणात, ” तू माझ्या आवडीचे पदार्थ करत नाहीस….मी तुझा ड्रेस कापून टाकेन…..’चा घाव तुमच्या वमीऀ लागला.अशी दुखावणारी, चीड आणणारी वाक्य म्हणजे मुलांना तुमच्या हातात सारलेली तलवार होती. ती घेऊन तो जोरजराने वार करून त्याला लढायला म्हणजेच जिंकायला संधी देत गेलात. हे तुम्हाला कळलच नाही. तुम्ही तलवार घेतल्यावर तो तयारीतच होता. तुम्ही बेसावध…..त्याच्या अनपेक्षित वारांनी घायाळ, हतबल झाला होता. आणि तुमचा मुलगा जिंकला. आता पुढच्याही वेळी तो हेच तंत्र वापरून त्याच्या समजाप्रमाणे महत्त्व मिळवणार आणि तुम्ही खवळता आणि महाभारत सुरू होते आणि प्रत्येक भांडणानंतर तुम्हालाच असाह्य हरल्यासारखे वाटतं.

“त्यासाठी काय केलं पाहिजे ?” असं ऐश्वर्याने विचारले.

मी म्हटलं, ”अर्थातच ! मोठ्या माणसांची ‘स्व-ओळख’  जेव्हा लहानपणीच्या सोयीच्या व्याख्यांमध्येच अडकून बसते, तेव्हा असंच घडतं. जवळच्या नात्यांमध्ये दोघांनी एकमेकांच्या हळव्या, दुखऱ्या जागा नेमक्या माहीत असतात. घरातल्याच कशाला, सामाजिक नात्यात ताण येतो तेव्हाही ‘पॉवर’ आणि ‘हर्ट’ खेळ येऊच शकतो.”

• ‘असं वागण्यामध्ये मागे माझी गरज काय आहे ? 
• समोरच्या व्यक्तीची गरज काय आहे ?
• वागण्यातून एकमेकांना नेमका संदेश कुठला जातोय ? आणि 
• मला यातून परिणाम काय हवंय ?’ 

त्यानंतर मी त्यांना होमिओपॅथिक औषध दिले आणि पुढच्या वेळेस हर्षला घेऊन येण्यास सांगितले. त्यालाही समुपदेशन बरोबर होमिओपॅथीक औषधांची गरज आहे असे सांगून पाठवून दिले.

‘ पालकत्व ‘ ही अनेकांच्या आजच्या काळात खूप आव्हानात्मक वाटणारी गोष्ट आहे. त्यात मूल नुकतंच पौगंडावस्थेत अर्थात ‘ टीनएजमध्ये ‘ प्रवेश केलेलं असेल तर त्याच्या बोलण्यात, वागण्यात पडणारा फरक इतका वेगळाच घडतो, की  पालक गोंधळून जातात.

त्यावेळी हा असा कसा वागू शकतो ? ऐवजी ‘कशामुळे’  असा वागतो ?

या प्रश्नाचे उत्तर शोधायचा प्रयत्न केला की, मुलांच्या अनाकलनीय वागण्याचे अर्थ लागू शकतात.

त्याचबरोबर पालकांनी स्वतःला प्रश्न विचारणे, निरीक्षण आणि प्रयोग करून उत्तर शोधावं लागतं आणि त्याला होमिओपॅथी औषध उपचारांची जोड दिल्यास हा प्रश्न लवकरात लवकर सुटू शकतो.