पाळी सुरूच झाली नाही तर ? ….आधार होमिओपॅथीचा !!! / If the Menses Does Not Continue? …. HOMOEOPATHY will Assist !!!

पाळी सुरूच झाली नाही तर ? ….आधार होमिओपॅथीचा !!!

 पाळी योग्य वयात सुरु न होण्याची अनेक कारणे आहेत.

• अचानक वजन वाढणे,
• असंतुलित संप्रेरके संप्रेरकांची कमतरता,
• ताणतणाव,

• असंतुलित संप्रेरके (पीसीओएस – पॉलिसिस्टिक ओव्हेरियन सिंड्रोम ) असलेल्या  स्त्रियांना मधुमेहाचा धोका अधिक असतो.

• तीन-चार महिन्यातून एकदा पाळी येणाऱ्या स्त्रियांमध्ये अवाजवी रक्तस्त्राव होणे, रक्तातील हिमोग्लोबिनची पातळी खालावणे अशा समस्या निर्माण होतात.
• तसेच त्यांना पुढे गर्भाशयाचा कर्करोग होण्याची शक्यता इतर स्त्रियांपेक्षा अधिक असते.

• अत्यंत ताणतणाव,
• नोकरीतल्या समस्या,
• नातेसंबंधातले तणाव,
• अत्यंत जवळच्या व्यक्तींचा मृत्यू,
• एवढेच नव्हे तर कधी कधी महत्त्वाच्या वा स्पर्धा परीक्षांच्या वेळी ही पाळी चुकण्याची समस्या बऱ्याचदा दिसून येते.

दुर्दैवाने अनेक आई-वडिल पुढील फक्त लग्न, मुले यांची चिंता करत असतात. “डॉक्टर, तिच्या इतर आयुष्यावर, शारीरिक, बौद्धिक क्षमतेवर याचा काही दूरगामी परिणाम होणार नाही ना ? “असे विचारणारे फारच कमी असतात.

म्हणजे पाळी न येण्याबाबत इतके सामाजिक पाश आहेत की, आपल्याला तिथे स्वीकारले जाणार नाही, या भीतीने त्यांचा लपंडाव सुरू असतो.

अशी ही पाळी ! बरीचशी वैयक्तिक, थोडी कौटुंबिक आणि थोडीशी सामाजिक !!

पाळी स्त्रीवरच्या कौटुंबिक आणि सामाजिक दबावाचा विषय होऊ नये हे खरे, परंतु त्याच वेळी  मासिक पाळीच्या समस्या मोकळेपणाने स्वीकारणे ही गरजेचे आहे.

समस्या स्वीकारली तरच तिच्यावर होमिओपॅथीने उपाययोजना करणे शक्य आहे. ती लपवून ठेवली तर तिच्यातून मार्ग तर निघणार नाहीच, पण आजूबाजूचा दबाव आणि त्याबरोबरीने मानसिक ताणतणाव वाढेल.

जोपर्यंत पाळी विषयाचे गैरसमज दूर होत नाहीत, तोपर्यंत ती कुजबुजच ठरेल. ही कुजबूज थांबवून योग्य तिथे खुलेपणाने बोलता हवे यावे यासाठी आपल्यालाच प्रयत्न करावे लागतील.