भावनिक असंतुलनांच्या दुष्परिणांमावर प्रभावी होमिओपॅथिक उपचार / Effective Homoeopathic Treatment For Side Effects of Emotional Imbalances

भावनिक असंतुलनांच्या दुष्परिणांमावर प्रभावी होमिओपॅथिक उपचार

लहानपण हा अतिशय महत्त्वाचा टप्पा आहे. त्यात लहान मुलांचा बौद्धिक, मानसिक, भावनिक व शारीरिक विकास व्हायला हवा, म्हणजे पौगंड, तारुण्य व प्रौढावस्थेतील अनेक समस्या आपण टाळू शकतो. बऱ्याच पालकांना याची जाणीव नसते.

उदाहरणार्थ खूपदा वयात येताना आपल्या शरीरात होणारे संप्रेरकांचे बदल (हार्मोन्स), आपल्या संपूर्ण शरीराबरोबर मज्जासंस्थेवर ही परिणाम करतात. त्यामुळे मुलांमध्ये चंचलता, विचलित मनोवृत्तीचा मानसिक स्थितीवर बदल होताना दिसतात.

पौगंड अवस्थेबद्दलची माहिती, समुपदेशन आणि मानसिक स्वास्थ्यासाठी दिलेली होमीओपॅथीक औषधं त्यामुळे तिची समस्या लवकरात लवकर दूर झाली.

यावरून आपल्याला असे लक्षात येईल की, आपल्या मुलांच्या अभ्यासात येणाऱ्या अडचणी समजून घेण्यासाठी, त्यांची शारीरिक व मानसिक स्थिती जाणून फार महत्त्वाचं आहे. कधी कधी मुलांची शारीरिक समस्या ही त्यांच्या अभ्यासाच्या आड येऊ शकते.

कधी कधी घरातले वाद-विवाद, चिडचिड करणारे, विनाकारण रागावणारे पालक, पालकांच्या स्वतःच्या मानसिक समस्या यामुळे ही मुलं भावनिक दृष्ट्या अस्वस्थ, असंतुलित होतात तर त्यांच्या शालेय प्रगतीवर परिणाम होतो.

औषधाने मुलांमध्ये खूप चांगले परिणाम दिसतात सकारात्मक बदल होतात पण हे होमिओपॅथिक औषधाने शक्य आहे.  होमिओपॅथीक औषधामुळे सकारात्मक बदल होतात पण मुलांच्या वातावरणातले बरेच प्रसंग समस्येला कारणीभूत असतात म्हणून औषधोपचारांबरोबर योग्य मार्गदर्शन आणि समुपदेशनाची जोड देणे आवश्यक असते. त्यामुळे समस्या लवकरात लवकर निवळू शकतात.

मुलांचे  शाळेतील वातावरण, शाळेतील ताणतणाव, गृहपाठ, परिस्थिती, दडपण वर्गातील मित्रांचा ताण इत्यादी अनेक बाबतीत मुलांना मैत्रीची गरज असते. काही मुलांना पालकांविषयी तसेच घरगुती समस्येविषयी बोलून मोकळ व्हायचं असतं. त्यातल्या काही समस्या गंभीर असतात. उदाहरणार्थ घटस्फोट, घरातलं आजारपण, या सगळ्यांचा मुलांच्या मानसिक आरोग्यावर परिणाम होऊ शकतो.

मुलांच्या समस्येवर, त्यांचा स्वभाव, त्यांची प्रकृती, घरातील वातावरण इत्यादींचा अभ्यास करून विविध होमिओपॅथीक  औषधे देता येतात. या औषधांनी मुलांचे मानसिक संतुलन सुधारतं व त्यांच्या भावनिक व वागणुकीतील  समस्यांमध्ये ही सुधारणा होते. त्यात मुलांची एकाग्रता व स्मरणशक्ती सुधारते. त्यामुळे त्यांच्या शैक्षणिक प्रगतीचा आलेख उंचावतो.

म्हणून पालकांनी मुलांच्या मानसिक स्वास्थ्याची काळजी घेणे व होमिओपॅथीक औषधे नियमित सुरू ठेवणे ही आजच्या काळाची महत्त्वाची गरज आहे.