पौगंडावस्था व होमिओपॅथी / Adolescence and Homoeopathy

   पौगंडावस्था व होमिओपॅथी

विज्ञान युगातील आमची संकुचित मानसिकता यासाठी कारणीभूत नाही काय?

• मुलाचा जन्म कसा होतो ?
• मुल कुठून येतं ?
• माझा भाऊ, बहीण कुठून आले ? 
• पाळी म्हणजे काय ?
• मुलांना पाळी का येत नाही ?
• लग्न कशासाठी करतात ?
• गर्भपात म्हणजे काय ?
• विवाहपूर्वी देखील मुलं होऊ शकतात का ? ……..

असे अनेक प्रश्न किशोरवयीन मुलांच्या मनात  डोकावत असतात.

पण याची योग्य उत्तरे न मिळता आई-वडील उडवा उडवीची उत्तरे देतात. विषय बदलणे, दमदाखी करून मुलांना चूप करणे, मोठे झाल्यावर तुला कळेल असे उत्तर देऊन वेळ मारून नेणे, हे सर्व प्रकार चुकीचे आहेत.

उलट मुलांना विश्वासात घेऊन त्यांच्या वयाला अनुसरून उत्तर देणे आवश्यक असते. 

“प्रत्येकाच्या आयुष्यात हा टप्पा येत असतो. आम्ही सुद्धा या स्थितीतून गेलो आहोत”, हे आपण आपल्या मुलांना सांगितल्यामुळे त्यांच्यात निर्माण होणारा  न्यूनगंड तसेच जनरेशन गॅप मुळे होणारा दुराव दुरावा आपण कमी करू शकतो.

मुलांच्या या किशोर वयातील समस्येवर, त्यांचा स्वभाव, त्यांची प्रकृती, घरातील वातावरण इत्यादींचा अभ्यास करून विविध होमिओपॅथीक औषधे देता येतात. या औषधांनी मुलांचे मानसिक संतुलन सुधारतं व त्यांच्या भावनिक व वागणुकीतील समस्यांमध्ये ही सुधारणा होते. त्यात मुलांची एकाग्रता व स्मरणशक्ती सुधारते. त्यामुळे त्यांच्या शैक्षणिक प्रगतीचा आलेख उंचावतो.

म्हणून पालकांनी मुलांच्या मानसिक स्वास्थ्याची काळजी घेणे, समुपदेशन व होमिओपॅथीक औषधे नियमित सुरू ठेवणे ही आजच्या काळाची महत्त्वाची गरज आहे.